Робот (чех. robot, robota — еріксіз еңбек, rob — құл; чех жазушысы К. Чапек ойлап шығарған сөз, ол алғашқы ұғымында “жұмысқа шебер адам” мағынасында қолданылды) — антропоморфтық (адам тәрізді) әрекеттер, қимылдар жасайтын машина; адам жүрісі мен қимылын еліктететін автоматтандырылған, адам қажетіне еңбек етуге бағытталған, күрделі кұрылғы.
Робот қоршаған әлеммен әрекеттескен кезде адамның (жануарлардың) қызметтері мен іс-әрекеттерін ішінара немесе толық атқарады. Алғашқы роботтар адамның қозғалысы мен сырт пішінін қайталады. Олар ойын-сауық мақсаттарында пайдаланылды. Қазіргі кезде тұрмыстағы көптеген қызметтерді атқаратын, қадағалайтын, мүгедектер мен сәбилерге көмекші, көңілін аулайтын, т.б. роботтар жасалынды, интеллектуалдық роботтар да пайда бола бастады.
Робототехника роботтардан басқа автоматтандырылған техникалық жүйелер мен өндірістік үдерістердің ең жаңа техникалық жиынтықталуын әзірлеу мен қолдану жолдарын зерттейтін ғылым. Қазіргі уақытта роботтың бірыңғай түрі жоқ, бірақ оның мақсаттары тек өндірістік емес, сонымен қатар адам өмірінің сапасын күнделікті өмірде жақсартуға бағытталған көптеген машиналарды табуға болады.
Сонымен робот деген не? Роботтар кез келген пішінде және кез келген режимде жұмыс істей алады. Мысалы, бізге таныс кір жуғыш машина, микротолқынды пеш, теледидар арнасын ауыстыратын пульт, тоңазытқыш, компьютерлер т.б. автоматтандырылған құрылғылардың барлығын роботтар деуге болады. Бұлар – адамдардың жұмысын жеңілдетуге көмекші құрал ретінде ойластырылған заманауи құрылғылар. Роботтар атқаратын қызметіне қарай бірнеше түрге бөлінеді: өнеркәсіптік, көліктік, тұрмыстық, медициналық және білім беру роботтары т.б.
Тест сұрақтары Практикалық жұмыс